“Ümumi fizika” kafedrasını bu ali məktəb yarandığı ilk gündən fəaliyyətə başlayan "Fizika” kafedrası təşkil edir. Öncə qeyd olunduğu kimi "Fizika” kafedrasının ilk müdiri dos. Rəhim bəy Məlikov olmuşdur. O, 1921-ci ildən etiba-rən 15 il fizika kafedrasına rəhbərlik etmişdir. 1935-ci ildə İnstitutun elmi Şurası elmi və pedaqoji xidmətlərini nəzərə alaraq ona fizika elmi üzrə “professor” adı verilməsi barədə qərar çıxarmışdır. Kafedraya rəhbərlik etdiyi müddətdə dos. R.Məlikov fizika  sahəsində ali məktəb tələbələri üçün Azərbaycan dilində dərslik və dərs vəsaitlərinin hazırlanmasında böyük xidmət göstərmişdir.

Fizika kafedrasında rus alimlərindən prof. Y.B.Lopuxin, prof.V.İ.Tixomirov və dos. A.Q.Alfimov fəaliyyət göstərmişlər. Bu alimlərin köməyi ilə kafedranın tədris və elmi-tədqiqat işləri tədricən kifayət qədər yüksək səviyyəyə çatdırılmışdır. Professor R.Məlikovun vəfatından sonra Fizika kafedrasına prof. A.Abbaszadə rəhbərlik etmişdir. 30 ildən artıq müddət ərzində prof.A.Abbaszadənin rəhbərliyi ilə Fizika kafedrasında 2 istiqamətdə (fizikanın tədrisi metodikası; maddələrin istilik-fiziki xassələrinin tədqiqi) böyük işlər görülmüşdür. Bu işlərin nəticəsində 40 nəfərə yaxın tədqiqatçı fizika-riyaziyyat elmlər namizədi (hazırda fizika üzrə fəsəfə doktoru) alimlik dərəcəsi adı almişdir. Prof. A.Abbaszadə uzun müddət (20 ilə yaxın) fizika fakültəsinin dekanı işləmişdir. O, bu gün də elmi əhəmiyyətini itirməyən “İstilikkeçirmə”, “Termodinamika” və “Molekulyar fizika və istilik” kitablarının müəllifidir. Bu kafedranın bazasında fakültədə fizika dərslərini aparan “Eksperimental və nəzəri fizika” (müdir A.Abaszadə), Astronomiya, qeyri ixtisas fa-kültələrində fizika dərslərini aparan “Ümumi fizika və astronomiya” (müdir A.Məmmədov) kafedraları yaradılmışdır.

“Eksperimental və nəzəri fizika” kafedrasına müdir A.Abaszadə, “Ümumi fizika və astronomiya” kafedrasına isə dosent Absəddin Ağabala oğlu Məmmədov seçilmişdir. A.Abaszadənin vəfatından sonra “Eksperimental və nəzəri fizika” kafedrasına 1969-1976-cı illərdə dos. Albert Əli oğlu Qılmanov rəhbərlik etmişdir. O, Bakı Dövlət Universitetinin fizika fakultəsində əla qiymətlərlə oxuduğuna görə 1953-cü ildə Moskva Dövlət Universitetin Fizika fakultəsinin III kursuna oxumağa göndərilmiş və 1956-cı ildə ali təhsilini müvəffəiyyətlə başa vurandan sonra 1957-ci ildə Azərbaycan Dövlət Pedaqoji İnstitutunda müəllim kimi fəaliyyətə başlamış, üzvü mayelərin istilik-fiziki xassələrinin tədqiqi ilə məşğul olmuş, 1963-cü ildə “Müntəzəm istilik rejiminin bəzi məsələləri və mayelərin istilik keçirməsinin tədqiqi” mövzusunda dissertasiya işi müdafiə edib, fizika riyaziyyat elmləri namizədi alimlik dərəcəsinə layiq görülmüşdür. 80-dən artıq yaxın elmi işi ölkə daxilində və xarici ölkələrin nüfuzlu elmi jurnallarda çap olunmuşdur.