4 noyabr 2022-ci il tarixində ADPU-nun Fizika fakültəsində Zəfər gününə həsr olunmuş “Qayıdış” adlı tədbir keçirilib. Tədbirdə Fizika fakültəsinin dekanı dosent Arzu Daşdəmirov, Riyaziyyat fakültəsinin dekanı dosent Araz Fərəcov, fakültənin dekan müavinləri, kafedra müdirləri, professor-müəllim heyəti və tələbələr iştirak edib. Tədbir Azərbaycan himninin səslənməsi ilə başlandı. Tədbirə qonaq qismində dəvət olunan palkovnik-leytenant Məhərrəm Əliyev və polkovnik Mirqiyas Rüstəmov tədbirlə bağlı fikirlərini bölüşdülər, Zəfər gününün xalqımızın və dövlətimizin həyatındakı əhəmiyyətindən danışdılar. Tədbirdə tədris işləri üzrə dekan müavini dosent Xankişi Məmmədov Zəfər gününə həsr etdiyi “Zəfərin mübarək, cənab Komandan!” şeirini söylədi. Tədbirin gedişatında Fizika fakültəsinin tələbələri – Pərvin Əhmədova, Cəmilə Etibarova, İsmayıl Qarazadə, Çinarə Ağayeva, Gülsüm Zülfüqarova, Fidan Osmanlı, Aysu Nağıyeva, Qurban Hacıyev, Ləman Əliyeva, Onur Kərimli və Murad Məmmədovun iştirakı ilə hazırlanan kiçik tamaşa nümayiş olundu. Yekunda xatirə şəkli çəkdirildi.